ഐ‌സി‌സി പുരുഷ ടി20 ലോകകപ്പിനായി ഒരുങ്ങുന്ന പാകിസ്താൻ അവരുടെ ടീം മെന്ററായി ഓസ്‌ട്രേലിയയുടെ ഇതിഹാസ ബാറ്റർ ഹെയ്ഡനെ നിയമിച്ചു. ഇത് രണ്ടാം തവണയാണ് ഹെയ്ഡൻ ഈ ചുമതലയേൽക്കുന്നത്‌. മുമ്പ് 2021 ലോകകപ്പിലും ഹെയ്ഡൻ പാകിസ്താനൊപ്പം ഉണ്ടായിരുന്നു. അന്ന് പാകിസ്ഥാൻ ടൂർണമെന്റിൽ സെമിഫൈനലിൽ എത്തിയിരുന്നു.
ന്യൂസിലൻഡ് ടി20 ഐ ത്രിരാഷ്ട്ര പരമ്പരയ്ക്ക് ശേഷമാകും ഹെയ്ഡൻ പാകിസ്താൻ ടീമിനൊപ്പം ചേരുക. ഒക്ടോബർ 23ന് മെൽബൺ ക്രിക്കറ്റ് ഗ്രൗണ്ടിൽ ഇന്ത്യയ്‌ക്കെതിരെ ആണ് പാകിസ്താന്റെ ലോകകപ്പിലെ ആദ്യ മത്സരം. അതിനു മുമ്പ് പാകിസ്ഥാൻ രണ്ട് സന്നാഹ മത്സരങ്ങൾ, ഇംഗ്ലണ്ട്, അഫ്ഗാനിസ്ഥാൻ എന്നിവയർക്കെതിരെ കളിക്കും.
