ന്യൂസിലാൻഡ് പരമ്പരയിലേക്ക് താൻ തിരിച്ചെത്തുമെന്ന് ഹർദിക് ഹർദിക് പാണ്ഡ്യ

- Advertisement -

പരിക്കിനെ തുടർന്ന് ശസ്ത്രക്രിയ കഴിഞ്ഞു വിശ്രമിക്കുന്ന ഇന്ത്യൻ താരം ഹർദിക് പാണ്ഡ്യ താൻ ഉടൻ തന്നെ കളത്തിലേക്ക് തിരിച്ചുവരുമെന്ന് അറിയിച്ചു. ഇന്ത്യയുടെ ന്യൂസിലാൻഡ് പര്യടനത്തിനിടക്ക് താൻ പരിക്ക് മാറി ഇന്ത്യൻ ടീമിൽ തിരിച്ചെത്തുമെന്നാണ് പ്രതീക്ഷിക്കുന്നതെന്ന് താരം അറിയിച്ചു. ജനുവരി അവസാന വാരത്തിലാണ് ഇന്ത്യയും ന്യൂസിലാൻഡും തമ്മിലുള്ള പരമ്പര തുടങ്ങുന്നത്.

ന്യൂസിലാൻഡ് പരമ്പരക്ക് ശേഷം ഐ.പി.എല്ലിലും തുടർന്ന് ഇന്ത്യക്ക് വേണ്ടി ടി20 ലോകകപ്പിലും കളിക്കാനാണ് തന്റെ ശ്രമമെന്നും പാണ്ഡ്യാ പറഞ്ഞു. ദക്ഷിണാഫ്രിക്കക്കെതിരെ ടി20 പരമ്പരയിലാണ് പാണ്ഡ്യാ ഇന്ത്യക്ക് വേണ്ടി അവസാനമായി കളിച്ചത്. തുടർന്നാണ് താരം കുറെ കാലമായി പിന്തുടരുന്ന പുറം വേദനക്ക് ഇംഗ്ലണ്ടിൽ വെച്ച് സർജറിക്ക് വിധേയനായത്. സർജറിക്ക് ശേഷം കാര്യങ്ങൾ എല്ലാം നന്നായി പോകുന്നുവെന്ന് പറഞ്ഞ പാണ്ഡ്യാ സർജറി ഒഴിവാക്കാൻ ഒരുപാട് ശ്രമം നടത്തിയിരുന്നതായും പറഞ്ഞു.

Advertisement