ഈ പരമ്പരയ്ക്ക് ശേഷം പോസിറ്റീവുകളുണ്ടെന്ന് പറയുന്നത് വളരെ പ്രയാസകരമായ കാര്യമാണെന്നും അത് കണ്ണടച്ച് ഇരുട്ടാക്കലാണെന്നും പറഞ്ഞ് ഓസ്ട്രേലിയന്‍ ടി20 നായകന്‍ മാത്യു വെയിഡ്. ബംഗ്ലാദേശിനോട് പരമ്പര 1-4ന് പരാജയപ്പെട്ട ശേഷം പ്രതികരിക്കുകയായിരുന്നു മാത്യു വെയിഡ്.
അന്താരാഷ്ട്ര ക്രിക്കറ്റിലെ ഏറ്റവും പ്രയാസകരമായ സാഹചര്യത്തിലാണ് പരമ്പര നടന്നതെന്നും എന്നാല്‍ ആ വെല്ലുവിളി ഏറ്റെടുക്കുവാന്‍ തന്റെ ടീമിനായില്ലെന്നും വെയിഡ് പറഞ്ഞു. മിച്ചൽ മാര്‍ഷും സ്പിന്നര്‍മാരും മികച്ച നിന്നുവെന്നത് സത്യമാണെന്നും വെയിഡ് കൂട്ടിചേര്‍ത്തു.
ഇന്നത്തെ മത്സരം ഒഴിച്ച് നിര്‍ത്തിയാൽ ടീം വലിയ മാര്‍ജിനിലല്ല തോറ്റതെന്നുള്ളതും ഈ യുവ ടീമിന് ഈ സാഹചര്യത്തില്‍ മത്സര പരിചയം ലഭിച്ചുവെന്നതുമാണ് ശരിയായ പോസിറ്റീവുകളെന്നും വെയിഡ് സൂചിപ്പിച്ചു.
