റണ്ണടിച്ച് കൂട്ടി ഹോക്ക്സ്, തിരിച്ചടിച്ച് റോയല്‍സ്, ഓള്‍റൗണ്ട് പ്രകടനവുമായി അഗ സല്‍മാന്‍

Sports Correspondent

Download the Fanport app now!
Appstore Badge
Google Play Badge 1

400ലധികം റണ്‍സ് പിറന്ന ടി20 മത്സരത്തിനൊടുവില്‍ വിജയികളായി എഡ്മോണ്ടന്‍ റോയല്‍സ്. വിന്നിപെഗ് ഹോക്ക്സിന്റെ 203/5 എന്ന സ്കോറിനെയാണ് ഇന്നലെ നടന്ന ആവേശകരമായ മത്സരത്തില്‍ റോയല്‍സ് 3 പന്ത് ശേഷിക്കെ മറികടന്നത്. ലെന്‍ഡല്‍ സിമ്മണ്‍സ്, മാര്‍ക്ക് ദെയാല്‍, ഡേവിഡ് മില്ലര്‍ എന്നിവരുടെ തകര്‍പ്പന്‍ ബാറ്റിംഗ് പ്രകടനമാണ് വിന്നിപെഗ് ഹോക്ക്സിനെ മുന്നോട്ട് നയിച്ചത്.

ഡേവിഡ് വാര്‍ണര്‍ വീണ്ടും പരാജയപ്പെട്ട മത്സരത്തില്‍ സിമ്മണ്‍സ്(66), മാര്‍ക്ക് ദെയാല്‍(64) എന്നിവരുടെ വെടിക്കെട്ടുകള്‍ക്ക് പുറമേ 28 പന്തില്‍ 60 റണ്‍സ് നേടിയ ഡേവിഡ് മില്ലറും ഒപ്പം കൂടിയപ്പോള്‍ ഹോക്ക്സ് 203 റണ്‍സ് എന്ന കൂറ്റന് ‍സ്കോറിലേക്ക് നീങ്ങി. മുഹമ്മദ് ഇര്‍ഫാന്‍, അഗ സല്‍മാന്‍ എന്നിവര്‍ രണ്ട് വിക്കറ്റ് നേടിയപ്പോള്‍ സൊഹൈല്‍ തന്‍വീറിനാണ് ഒരു വിക്കറ്റ്.

മറുപി ബാറ്റിംഗിനിറങ്ങിയ റോയല്‍സിനായി അഗ സല്‍മാന്‍ 73 റണ്‍സ് നേടി മാന്‍ ഓഫ് ദി മാച്ചായി. ആന്‍ഡ്രേ ഫ്ലെച്ചര്‍(47), ഫര്‍ഹാന്‍ ബെഹര്‍ദ്ദീന്‍(62) എന്നിവരും ബാറ്റ് കൊണ്ട് മികച്ച പ്രകടനം പുറത്തെടുത്തു. 3 പന്തില്‍ നിന്ന് രണ്ട് സിക്സ് ഉള്‍പ്പെടെ 13 റണ്‍സ് നേടിയ ഷാഹിദ് അഫ്രീദിയുടെ പ്രകടനവും നിര്‍ണ്ണായകമായി.

അഞ്ച് വിക്കറ്റ് നേടാനായ വിന്നിപെഗ് ബൗളര്‍മാരില്‍ ഫിഡെല്‍ എഡ്വേര്‍ഡ്സ് രണ്ടും കൈല്‍ ഫിലിപ്പ്, ജുനൈദ് സിദ്ധിക്കി, അലിഖാന്‍ എന്നിവര്‍ ഓരോ വിക്കറ്റും നേടി.

കൂടുതൽ കായിക വാർത്തകൾക്ക് : www.facebook.com/FanportOfficial