ഗിൽ തന്റെ ഫുട് മൂവ്മെന്റ് ശരിയാക്കണം – ലക്ഷ്മൺ

ഇംഗ്ലണ്ട് പരമ്പരയ്ക്ക് മുമ്പ് ശുഭ്മന്‍ ഗിൽ തന്റെ ഫുട് മൂവ്മെന്റ് ശരിയാക്കണമെന്ന് പറഞ്ഞ് മുന്‍ ഇന്ത്യന്‍ ഇതിഹാസം വിവിഎസ് ലക്ഷ്മൺ. ടിം സൗത്തി, ട്രെന്റ് ബോള്‍ട്ട് എന്നിവര്‍ താരത്തെ ഈ പ്രശ്നം കാരണം ബുദ്ധിമുട്ടിച്ചുവെന്നും അത് പരിഹരിച്ചില്ലെങ്കില്‍ ജെയിംസ് ആന്‍ഡേഴ്സണും സ്റ്റുവര്‍ട് ബ്രോഡും അത് ആവര്‍ത്തിക്കുമെന്ന് വിവിഎസ് ലക്ഷ്മൺ പറഞ്ഞു.

ഇന്‍കമിംഗ് ഡെലിവറികള്‍ക്ക് മുന്നിൽ ഫുട് മൂവ്മെന്റ് ഇല്ലാതെ ശുഭ്മന്‍ ഗിൽ പതറുന്നുണ്ടെന്നും ഇംഗ്ലണ്ട് പരമ്പരയ്ക്ക് മുമ്പ് ഗില്ലിന് ആവശ്യത്തിന് സമയം ഉണ്ട് ഈ പിഴവ് തിരുത്തുവാനെന്നും ലക്ഷ്മൺ സൂചിപ്പിച്ചു. ഗില്ലിൽ നിന്ന് മികച്ച പ്രകടനം വരുന്നില്ലെങ്കിൽ ഇന്ത്യ മയാംഗ് അഗര്‍വാള്‍, കെഎൽ രാഹുല്‍ എന്നിവരെ പരീക്ഷിക്കുവാനും കാരണമായേക്കാമെന്നും ലക്ഷ്മൺ സൂചിപ്പിച്ചു.