ഇന്ത്യയുടെ ചരിത്രത്തിലെ ഏറ്റവും മികച്ച ടെസ്റ്റ് ക്യാപ്റ്റനാണ് വിരാട് കോഹ്‌ലിയെന്ന് ടീം ഇന്ത്യയുടെ മുഖ്യ പരിശീലകൻ ഗൗതം ഗംഭീർ. ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പങ്കിട്ട ഒരു വീഡിയോയിൽ ആണ് ഗംഭീർ കോഹ്‌ലിയെ പ്രശംസിച്ചത്‌. ടെസ്റ്റ് ക്യാപ്റ്റനെന്ന നിലയിൽ കോഹ്‌ലിയുടെ കാലയളവിനെക്കുറിച്ചും അദ്ദേഹം എങ്ങനെ ഒരു മികച്ച ഫാസ്റ്റ് ബൗളിംഗ് യൂണിറ്റ് നിർമ്മിച്ചുവെന്നതിനെക്കുറിച്ചും ഗംഭീർ സംസാരിച്ചു.
കോഹ്‌ലിയുടെ നേതൃത്വത്തെക്കുറിച്ച് സംസാരിച്ച ഗംഭീർ പറഞ്ഞു, “കോഹ്ലി ശരിക്കും ശക്തമായ ഒരു ബൗളിംഗ് യൂണിറ്റ് കെട്ടിപ്പടുത്തതാണ് ഏറ്റവും വലിയ കാര്യം. ടെസ്റ്റ് മത്സരങ്ങൾ 20 വിക്കറ്റ് വീഴ്ത്തിയാണ് വിജയിക്കുന്നത്. നിങ്ങൾക്ക് ശക്തമായ ഒരു ബൗളിംഗ് ലൈനപ്പ് ഉണ്ടാകുന്നതുവരെ, വിജയിക്കുക പ്രയാസമാണ്. അതാണ് നിങ്ങൽ സൃഷ്ടിച്ചത്. അത് രാജ്യത്തെ ഏറ്റവും വിജയകരമായ ക്യാപ്റ്റൻ ആക്കി നിങ്ങളെ മാറ്റുന്നു.” ഗംഭീർ കോഹ്ലിയോട് പറഞ്ഞു.
ടീമിൻ്റെ മാനസികാവസ്ഥയെ മാറ്റിമറിച്ചതിനും കോഹ്‌ലിയെ ഗംഭീർ പ്രശംസിച്ചു, പ്രത്യേകിച്ചും ഷമി, ബുംറ, ഇഷാന്ത്, ഉമേഷ് എന്നിവരെപ്പോലുള്ള ലോകോത്തര ഫാസ്റ്റ് ബൗളിംഗ് ആക്രമണം വികസിപ്പിച്ചുകൊണ്ട്, ഇത് ഇന്ത്യയെ വിദേശത്ത് വിജയിക്കാൻ പ്രാപ്തമാക്കി.
കോഹ്‌ലിയുടെ ആക്രമണാത്മകവും വിജയിക്കുന്നതുമായ മാനസികാവസ്ഥയാണ് റെഡ്-ബോൾ ക്രിക്കറ്റിൽ ടീമിൻ്റെ ഉയർച്ചയ്ക്ക് വഴിയൊരുക്കിയതെന്ന് ഗംഭീർ ഊന്നിപ്പറഞ്ഞു.
