ഇംഗ്ലണ്ടില്‍ ആദ്യ ടൂറില്‍ ബാറ്റ്സ്മാന്മാര്‍ പതറുന്നത് സ്വാഭാവികം – യൂനിസ് ഖാന്‍

- Advertisement -

ആദ്യ ടൂറുകളില്‍ ഇംഗ്ലണ്ടിലെത്തുന്ന ബാറ്റ്സ്മാന്മാര്‍ പതറുന്നത് സ്വാഭാവികമാണെന്നത് ഒരു തുറന്ന രഹസ്യമാണെന്ന് പറഞ്ഞ് പാക്കിസ്ഥാന്‍ ബാറ്റിംഗ് കോച്ച് യൂനിസ് ഖാന്‍. ഇവിടെ ബാറ്റിംഗ് എളുപ്പമല്ല, തണുപ്പുള്ളതും മൂടിക്കെട്ടിയതുമായ അന്തരീക്ഷമാണ് ഇവിടുത്തേത്. അതിനാല്‍ തന്നെ ഇവയുമായി പൊരുത്തപ്പെടുന്നത് എല്ലാവര്‍ക്കും സാധ്യമായ കാര്യമല്ലെന്നും യൂനിസ് ഖാന്‍ വ്യക്തമാക്കി.

ടെക്നിക്കില്‍ ചെറിയ മാറ്റങ്ങള്‍ വരുത്തേണ്ടതായി വരും, ശരീരത്തോട് ചേര്‍ന്ന് കളിക്കണം, സോഫ്ട് ഹാന്‍ഡ്സ് ഉപയോഗിച്ച് ലേറ്റായി കളിക്കണം എന്നതെല്ലാമാണ് ഇതിന് സാധ്യമാക്കുന്ന ചില കാര്യങ്ങള്‍. എന്നാലിത് ഒരു സുപ്രഭാതത്തില്‍ വരുത്താനാകുന്ന മാറ്റങ്ങളല്ല. അതിനായി താരങ്ങള്‍ക്കൊപ്പം പ്രവര്‍ത്തിച്ച് വരികയാണെന്നും യൂനിസ് ഖാന്‍ വ്യക്തമാക്കി.

Advertisement