5 മത്സരങ്ങളുടെ ഏകദിന പരമ്പര 4-0നു കൈവിട്ടുവെങ്കിലും ഇംഗ്ലണ്ടും പാക്കിസ്ഥാനും തമ്മിലുള്ള വ്യത്യാസം ഫീല്‍ഡിംഗില്‍ മാത്രമായിരുന്നുവെന്ന് പറഞ്ഞ് പാക്കിസ്ഥാന് കോച്ച് മിക്കി ആര്‍തര്‍. തങ്ങളുടെ ബാറ്റിംഗ് ആവും മോശമെന്നാണ് പ്രതീക്ഷിച്ചതെങ്കിലും ബാറ്റ്സ്മാന്മാര്‍ അവസരത്തിനൊത്തുയര്‍ന്ന് റണ്‍സ് കണ്ടെത്തുന്ന കാഴ്ചയാണ് പരമ്പരയില്‍ ഉടനീളം കണ്ടത്. അതേ സമയം ബൗളിംഗും ഫീല്‍ഡിംഗും ശരാശരി മാത്രമായി മാറിയത് മത്സരങ്ങള്‍ വിജയിക്കുന്നതില്‍ പാക്കിസ്ഥാന് തിരിച്ചടിയായി.
അതിലേറെ മോശം ഫീല്‍ഡിംഗുകളാണ് ടീമിനെ ഏറെ വലച്ചതെന്ന് മിക്കി ആര്‍തര്‍ പറഞ്ഞു. ഒട്ടേറെ ക്യാച്ചുകള്‍ കൈവിട്ടതും ഫീല്‍ഡിംഗില്‍ തുടര്‍ച്ചയായ മിസ് ഫീല്‍ഡിംഗുകളു ടീമിന്റെ സാധ്യതകളെ വല്ലാതെ ബാധിച്ചു. ലോകകപ്പിനു ഏതാനും ദിവസങ്ങള്‍ മാത്രമുള്ളപ്പോളാണ് ടീമിന്റെ ഈ മോം പ്രകടനം. ഇരു ടീമുകളും തമ്മിലുള്ള വ്യത്യാസം വലുതായിരുന്നു, എന്നാല്‍ തന്നെ അലട്ടുന്ന ആ വലിയ വ്യത്യാസം അത് ഫീല്‍ഡിംഗാണെന്നാണ് മിക്കി ആര്‍തര്‍ പറഞ്ഞത്.
പാക്കിസ്ഥാന്റെ ഫീല്‍ഡിംഗ് കോച്ച് സ്റ്റീവ് റിക്സണ്‍ വിട വാങ്ങിയ ശേഷം ടീമിന്റെ ഗ്രൗണ്ടിലെ പ്രകടനം ഏറെ മോശമാകുകയായിരുന്നു. എന്നാല്‍ നിലവിലെ കോച്ച് മികച്ച രീതിയിലാണ് മുന്നോട്ട് പോകുന്നതെന്നും മിക്കി ആര്‍തര്‍ അഭിപ്രായപ്പെട്ടു.
