ഇംഗ്ലണ്ടിനെതിരെ ടി20 പരമ്പര ബംഗ്ലാദേശ് തൂത്തുവാരിയപ്പോള്‍ അത് തങ്ങള്‍ സ്വപ്നത്തിൽ പോലും വിചാരിച്ച കാര്യമല്ലെന്നാണ് ബംഗ്ലാദേശ് ടി20 നായകന്‍ ഷാക്കിബ് അൽ ഹസന്‍ പറഞ്ഞത്. നിലവിലെ ടി20 ലോക ചാമ്പ്യന്മാരായ ഇംഗ്ലണ്ടിനെതിരെ മൂന്ന് മത്സരങ്ങളിലും ബംഗ്ലാദേശ് ആണ് വിജയം കുറിച്ചത്.
പരമ്പരയ്ക്ക് മുമ്പ് ടീമിന്റെ ശ്രദ്ധ മികച്ച ക്രിക്കറ്റ് കളിക്കുക എന്നതായിരുന്നുവെന്നും അതിനാൽ തന്നെ വിജയം എന്ന് ചിന്തിച്ച് ടീമിനെ സമ്മര്‍ദ്ദത്തിലാക്കുവാന്‍ ആരും ശ്രമിച്ചില്ലെന്ന് ഷാക്കിബ് വ്യക്തമാക്കി.
ഇംഗ്ലണ്ടിന് ഈ പരമ്പരയിൽ ബാറ്റ്സ്മാന്മാരുടെ അഭാവം ഉണ്ടായിരുന്നുവെന്നും അതും ബംഗ്ലാദേശിന്റെ ആത്മവിശ്വാസം ഉയര്‍ത്തിയെന്നും ഷാക്കിബ് കൂട്ടിചേര്‍ത്തു.
