തന്നെ ആജീവനാന്തം വിലക്കിയത് എന്തിനാണെന്ന് അറിയില്ലായിരുന്നെന്ന് മുൻ ഇന്ത്യൻ ക്യാപ്റ്റൻ അസ്ഹറുദ്ധീൻ

- Advertisement -

തന്നെ എന്തിനാണ് ബി.സി.സി.ഐ ആജീവനാന്തം വിലക്കിയതെന്ന് തനിക്ക് അറിയില്ലായിരുന്നെന്ന് മുൻ ഇന്ത്യൻ ക്യാപ്റ്റൻ മുഹമ്മദ് അസ്ഹറുദ്ധീൻ. വാതുവെപ്പ് വിവാദത്തെ തുടർന്ന് 2000ലാണ് ഇന്ത്യൻ ക്യാപ്റ്റൻ മുഹമ്മദ് അസ്ഹറുദീനെ ബി.സി.സി.ഐ ആജീവനാന്തം വിലക്കിയത്. എന്നാൽ ദീർഘ കാലത്തെ നിയമ പോരാട്ടത്തിന് ശേഷം താരത്തെ 2012ൽ ഹൈദരാബാദ് ഹൈക്കോടതി കുറ്റവിമുക്തനാക്കിയിരുന്നു.

എന്നാൽ താൻ ഇപ്പോൾ ആരെയും കുറ്റപെടുത്തില്ലെന്നും തനിക്ക് ഇപ്പോഴും എന്തിനാണ് തന്നെ ആജീവനാന്തം വിലക്കിയതെന്ന് അറിയില്ലെന്നും മുൻ ഇന്ത്യൻ ക്യാപ്റ്റൻ പറഞ്ഞു. നിലവിൽ ഹൈദരാബാദ് ക്രിക്കറ്റ് അസോസിയേഷൻ പ്രസിഡന്റുകൂടിയാണ് മുഹമ്മദ് അസ്ഹറുദ്ധീൻ.

ഇന്ത്യക്ക് വേണ്ടി 16-17 വർഷത്തോളം തനിക്ക് കളിക്കാൻ സാധിച്ചെന്നും അതിൽ തന്നെ 10 വർഷത്തിൽ അധികം താൻ ഇന്ത്യൻ ക്യാപ്റ്റൻ ആയിരുന്നെന്നും അസ്ഹറുദ്ധീൻ പറഞ്ഞു. അതുകൊണ്ട് തന്നെ 100 ടെസ്റ്റ് മത്സരങ്ങൾ കളിക്കാൻ കഴിയാത്തതിൽ തനിക്ക് നിരാശയില്ലെന്നും അസ്ഹർ പറഞ്ഞു. ഇന്ത്യക്ക് വേണ്ടി 99 ടെസ്റ്റ് മത്സരങ്ങളും 334 ഏകദിന മത്സരങ്ങളും അസ്ഹർ കളിച്ചിട്ടുണ്ട്.

 

Advertisement