“ക്രിക്കറ്റിലെ ഏറ്റവും ആത്മാർത്ഥത കൂടിയ വിദ്യാർത്ഥിയാണ് രാഹുൽ ദ്രാവിഡ്”

- Advertisement -

മുൻ ഇന്ത്യൻ താരം രാഹുൽ ദ്രാവിഡിനെ പ്രശംസകൊണ്ട് മൂടി മുൻ ഇന്ത്യൻ ബാറ്റ്സ്മാൻ വി.വി.എസ് ലക്ഷ്മൺ. ക്രിക്കറ്റ് ലോകം കണ്ട ഏറ്റവും ആത്മാർത്ഥ കൂടിയ വിദ്യാർത്ഥിയാണ് രാഹുൽ ദ്രാവിഡ് എന്നാണ് വി.വി.എസ് ലക്ഷ്മൺ വിശേഷിപ്പിച്ചത്.

തനിക്ക് നേരെ വന്ന വെല്ലുവിളികളെയെല്ലാം തികഞ്ഞ ആത്മാർത്ഥയോടെ രാഹുൽ ദ്രാവിഡ് നേരിട്ടുവെന്നും താരം ആത്യന്തികമായി ഒരു ടീം മാൻ ആയിരുന്നെന്നും വി.വി.എസ് ലക്ഷ്മൺ പറഞ്ഞു. ഏകദിനത്തിൽ വിക്കറ്റ് കീപ്പറായ സമയത്തും ടെസ്റ്റിൽ ഓപ്പണറായി ഇറങ്ങിയ സമയത്തും അതിനെതിരെ പറ്റില്ലെന്ന് പറയാനുള്ള സാഹചര്യത്തിൽ പോലും അങ്ങേയറ്റം ഉത്സാഹത്തോടെ രാഹുൽ ദ്രാവിഡ് അത് ചെയ്തിട്ടുണ്ടെന്നും ലക്ഷ്മൺ പറഞ്ഞു.

“ദി വാൾ” എന്ന അപരനാമത്തിൽ അറിയപ്പെടുന്ന രാഹുൽ ദ്രാവിഡ് 2012ലാണ് ക്രിക്കറ്റിൽ നിന്ന് വിരമിച്ചത്. ഇന്ത്യക്ക് വേണ്ടി 164 ടെസ്റ്റ് മത്സരങ്ങളും 344 ഏകദിന മത്സരങ്ങളും ഒരു ടി20യും രാഹുൽ ദ്രാവിഡ് കളിച്ചിട്ടുണ്ട്.

Advertisement