ആമസോണ്‍ ഗയാന വാരിയേഴ്സ് പേസര്‍ സൊഹൈല്‍ തന്‍വീറിനെതിരെ പിഴ. സെയിന്റ് കിറ്റ്സ് & നെവിസ് പാട്രിയറ്റ്സിനെതിരെയുള്ള മത്സരത്തിനിടെ അനാവശ്യമായ ആംഗ്യം കാണിച്ചതിനാണ് താരത്തിനെതിരെ 15 ശതമാനം പിഴ ചുമത്തിയത്. കരീബിയന്‍ പ്രീമിയര്‍ ലീഗില്‍ വ്യാഴാഴ്ചയാണ് ഈ സംഭവം നടക്കുന്നത്.
മത്സരത്തിന്റെ 17ാം ഓവറില്‍ ബെന്‍ കട്ടിംഗിനെ പുറത്താക്കിയ ശേഷമാണ് താരത്തിന്റെ ഈ ചെയ്തി. കരീബിയന്‍ പ്രീമിയര്‍ ലീഗിന്റെ ഔദ്യോഗിക കുറിപ്പനുസരിച്ച് താരം ടൂര്‍ണ്ണമെന്റ് പെരുമാറ്റച്ചട്ടം ലംഘിച്ചുവെന്ന കാര്യം അംഗീകരിച്ചു. അതിനു ശേഷം മാച്ച റഫറി ശിക്ഷ വിധിക്കുകയായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
