85 റണ്‍സും 6 വിക്കറ്റും നേടി വിഷ്ണു മഹേഷ്, 77 റണ്‍സിന്റെ കൂറ്റന്‍ ജയവുമായി സ്പെറിക്കോണ്‍

അനന്തപുരി ഹോസ്പിറ്റല്‍സ് ട്രിവാന്‍ഡ്രം കോര്‍പ്പറേറ്റ് ടി20യില്‍ 77 റണ്‍സിന്റെ വലിയ വിജയവുമായി സ്പെറിക്കോണ്‍. ഇന്ന് നടന്ന മത്സരത്തില്‍ പാലാഴി ടൂര്‍സ് & ട്രാവല്‍സിനെതിരെയാണ് സ്പെറിക്കോണിന്റെ വലിയ വിജയം. ആദ്യം ബാറ്റ് ചെയ്ത സ്പെറിക്കോണ്‍ 55 പന്തില്‍ നിന്ന് 85 റണ്‍സുമായി പുറത്താകാതെ നിന്ന വിഷ്ണു മഹേഷിന്റെ മികവില്‍ 189 റണ്‍സാണ് മൂന്ന് വിക്കറ്റ് നഷ്ടത്തില്‍ നേടിയത്. സച്ചിന്‍(33), ജീന്‍ വിജയ്(32) എന്നിവരാണ് മറ്റു പ്രധാന സ്കോറര്‍മാര്‍. പാലാഴിയ്ക്കായി അക്ഷയ്നാഥ് 2 വിക്കറ്റ് നേടി.

ചേസിംഗിനിറങ്ങിയ പാലാഴി 14 ഓവറില്‍ 112 റണ്‍സിനാണ് ഓള്‍ഔട്ട് ആയത്. 35 പന്തില്‍ നിന്ന് 61 റണ്‍സ് നേടിയ ജിതിന്‍ ശങ്കര്‍ ആണ് ടീമിന്റെ ടോപ് സ്കോറര്‍. മറ്റു താരങ്ങള്‍ക്കാര്‍ക്കും തന്നെ വലിയൊരു പ്രകടനം പുറത്തെടുക്കാനാകാതെ പോയപ്പോള്‍ പാലാഴിയുടെ ബാറ്റിംഗ് തകര്‍ന്നടിയുകയായിരുന്നു. സ്പെറിക്കോണിനായി വിഷ്ണു മഹേഷ് 6 വിക്കറ്റ് നേടി.