വിന്‍ഡീസിനെ 259 റണ്‍സിന് പുറത്താക്കിയ ശേഷം രണ്ടാം ഇന്നിംഗ്സ് ബാറ്റിംഗിനിറങ്ങിയ ബംഗ്ലാദേശിന്റെ തുടക്കം മോശം. മൂന്നാം ദിവസത്തെ കളി നിര്‍ത്തുമ്പോള്‍ 218 റണ്‍സ് ലീഡ് നേടിയ ബംഗ്ലാദേശ് 47/3 എന്ന നിലയിലാണ് രണ്ടാം ഇന്നിംഗ്സില്‍.
ഇന്നിംഗ്സിന്റെ രണ്ടാം ഓവറില്‍ തമീം ഇക്ബാലിനെയും നജ്മുള്‍ ഹൊസൈന്‍ ഷാന്റോയെയും മൂന്ന് പന്തുകളുടെ ഇടവേളയില്‍ പുറത്താക്കി റഖീം കോണ്‍വാല്‍ ആണ് ബംഗ്ലാദേശിനെ 1/2 എന്ന നിലയിലേക്ക് ആക്കിയത്. ഷദ്മന്‍ ഇസ്ലാമിനെ(5) നഷ്ടമാകുമ്പോള്‍ ബംഗ്ലാദേശ് 33/3 എന്ന നിലയിലായിരുന്നു.
31 റണ്‍സ് നേടിയ ക്യാപ്റ്റന്‍ മോമിനുള്‍ ഹക്കും 10 റണ്‍സുമായി മുഷ്ഫിക്കുര്‍ റഹിമുമാണ് ആതിഥേയര്‍ക്കായി ക്രീസിലുള്ളത്.
