പുജാരയെ പുറത്താക്കുവാന്‍ സ്മിത്ത് ലെഗ് സ്ലിപ്പിൽ എടുത്ത ക്യാച്ച് മത്സരത്തിലെ ഏറെ നിര്‍ണ്ണായകമായ നിമിഷം ആയിരുന്നുവെന്ന് പറഞ്ഞ് നഥാന്‍ ലയൺ. ലയണിന്റെ തേരോട്ടത്തിനിടയിലും ഒരു വശത്ത് പിടിച്ച് നിൽക്കുകയായിരുന്ന ചേതേശ്വര്‍ പുജാരയെ അവിശ്വസനീയ ക്യാച്ചിലൂടെയാണ് സ്മിത്ത് പുറത്താക്കിയത്.
സ്മിത്ത് അല്ലാതെ ആരും ആ ക്യാച്ച് എടുക്കില്ലെന്നും, വേറെ ആരോടും ബഹുമാനക്കുറവില്ലെന്നും പക്ഷേ മറ്റാരും ആ ക്യാച്ച് എടുക്കുമെന്ന് തോന്നുന്നില്ലെന്നും ലയൺ കൂട്ടിചേര്‍ത്തു. സ്മിത്തും പല ക്യാച്ചുകള്‍ കളഞ്ഞിട്ടുണ്ടെങ്കിലും സ്മിത്തിന്റെ ക്രിക്കറ്റിംഗ് ബ്രെയിനിന് മാത്രമേ ഇത്തരമൊരു ക്യാച്ച് പൂര്‍ത്തിയാക്കുവാന്‍ പറ്റുകയുള്ളുവെന്നും ലയൺ പറഞ്ഞു.
