ചേതന്‍ സക്കറിയയും മുകേഷ് ചൗധരിയും ടി20 മാക്സ് സീരീസിൽ കളിക്കും. ഓസ്ട്രേലിയയിൽ ഓഗസ്റ്റ് 18ന് ആണ് ഈ പരമ്പര ആരംഭിയ്ക്കുന്നത്. സക്കറിയ സൺഷൈന്‍ കോസ്റ്റിനെയും ചൗധരി വൈനം-മാന്‍ലിയെയും ആണ് പ്രതിനിധീകരിക്കുന്നത്.
ഇരുവരും ബുപ നാഷണൽ ക്രിക്കറ്റ് കേന്ദ്രത്തിലും പരിശീലനം നടത്തുകയും ചെയ്യും. ഇത് എംആര്‍എഫ് പേസ് ഫൗണ്ടേഷനും ക്രിക്കറ്റ് ഓസ്ട്രേലിയയും തമ്മിലുള്ള എക്സ്ചേഞ്ച് പ്രോഗ്രാമിന്റെ ഭാഗം ആണ്. ചേതന്‍ സക്കറിയ ഐപിഎലില്‍ രാജസ്ഥാന്‍ റോയൽസിനും ഡൽഹി ക്യാപിറ്റൽസിനും വേണ്ടി കളിച്ചപ്പോള്‍ മുകേഷ് ചൗധരി ചെന്നൈ സൂപ്പര്‍ കിംഗ്സിന് വേണ്ടിയും കളിച്ചിട്ടുണ്ട്.
