ടിസിഎ കായംകുളത്തിനെതിരെ 156 റണ്‍സിന്റെ കൂറ്റന്‍ ജയവുമായി സിക്സേര്‍സ് സിസി. ഇന്നലെ നടന്ന മത്സരത്തില്‍ ടോസ് നേടിയ ടിസിഎ കായംകുളം ബൗളിംഗ് തിരഞ്ഞെടുത്തു. 29.5 ഓവറില്‍ 213 റണ്‍സ് നേടി സിക്സേര്‍സ് ഓള്‍ഔട്ട് ആവുകയായിരുന്നു. 39 റണ്‍സ് നേടിയ ജസീര്‍ ടീമിന്റെ ടോപ് സ്കോറര്‍ ആയി. രാകേഷ്(35), സിദ്ധാര്‍ത്ഥ്(29), ഉണ്ണികൃഷ്ണന്‍(37), അക്ഷയ് ശ്രീദ്ധര്‍(29) എന്നിവരും നിര്‍ണ്ണായക സംഭാവനകള്‍ നല്‍കി. ടിസിഎയ്ക്കായി അര്‍ജ്ജുന്‍ മൂന്ന് വിക്കറ്റ് നേടി.
ടിസിഎ ഇന്നിംഗ്സ് 15.4 ഓവറില്‍ 57 റണ്‍സിനു അവസാനിച്ചു. ഉണ്ണികൃഷ്ണന്‍, ഹസനുള്‍ ബെന്ന എന്നിവര്‍ മൂന്ന് വീതം വിക്കറ്റ് സിക്സേര്‍സിനായി നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
