സെലസ്റ്റിയൽ ട്രോഫിയിൽ റോവേഴ്സ് സിസിയ്ക്കെതിരെ വമ്പന്‍ വിജയം നേടി പ്രതിഭ സിസി കൊട്ടാരക്കര. ഇന്ന് മംഗലപുരം കെസിഎ ഗ്രൗണ്ടിൽ നടന്ന മത്സരത്തിൽ ആദ്യം ബാറ്റ് ചെയ്ത രാഹുല്‍ ദേവ് നേടിയ 101 റൺസിന്റെ ബലത്തിൽ 7 വിക്കറ്റ് നഷ്ടത്തിൽ 27 ഓവറിൽ നിന്ന് 251 റൺസാണ് നേടിയത്. അനസ് നാസര്‍ 63 റൺസ് നേടിയപ്പോള്‍ മിഥുന്‍ 27 റൺസുമായി പുറത്താകാതെ നിന്നു. റോവേഴ്സിനായി അജീഷ് 2 വിക്കറ്റ് നേടി.
ബൗളിംഗിൽ സന്ദീപ് ആറ് വിക്കറ്റുമായി തിളങ്ങിയപ്പോള്‍ പ്രതിഭ റോവേഴ്സിനെ 18.1 ഓവറിൽ 141 റൺസിന് പുറത്താക്കുകയായിരുന്നു. 26 പന്തിൽ 61 റൺസ് നേടിയ ഓപ്പണര്‍ ഗിരീഷ് റോവേഴ്സിന് മികച്ച തുടക്കമാണ് നൽകിയതെങ്കിലും വിക്കറ്റുകളുമായി പ്രതിഭ സിസി സമ്മര്‍ദ്ദം കടുപ്പിച്ചു.
തുടരെ വിക്കറ്റുകള്‍ നഷ്ടമായതോടെ മികച്ച റൺ റേറ്റുണ്ടായിരുന്നുവെങ്കിലും റോവേഴ്സ് 141 റൺസിന് ഒതുക്കി. പ്രതിഭയ്ക്കായി പികെ മിഥുന്‍ 3 വിക്കറ്റും നേടി.
