ഇംപീരിയല് കിച്ചന് യോര്ക്ക്ഷയര് സിസിയെ 43 റണ്സിന് പരാജയപ്പെടുത്തി പ്രതിഭ സിസി കൊട്ടാരക്കര. ഇന്ന് നടന്ന മത്സരത്തില് പ്രതിഭ സിസി ആദ്യം ബാറ്റ് ചെയ്ത് 172/9 എന്ന സ്കോര് നേടിയപ്പോള് യോര്ക്ക്ഷയര് 129 റണ്സിന് ഓള്ഔട്ട് ആകുകയായിരുന്നു. പികെ മിഥുനിന്റെ നാല് വിക്കറ്റ് പ്രകടനം ആണ് പ്രതിഭയുടെ വിജയം സാധ്യമാക്കിയത്. എം ബേസില്, അശ്വന്ത് എന്നിവര് രണ്ട് വീതം വിക്കറ്റ് നേടി. 27 റണ്സ് നേടിയ നീരജ് ആണ് യോര്ക്ക്ഷയറിന്റെ ടോപ് സ്കോറര്. 24.2 ഓവറിലാണ് യോര്ക്ക്ഷയര് ഓള്ഔട്ട് ആയത്.
നേരത്തെ ആദ്യം ബാറ്റ് ചെയ്ത പ്രതിഭയ്ക്കായി 52 റണ്സുമായി ശ്രീരാജും 39 റണ്സ് നേടി പുറത്താകാതെ നിന്ന മിഥുനുമാണ് താരങ്ങളായത്. 26 ഓവറില് നിന്ന് 9 വിക്കറ്റ് നഷ്ടത്തിലാണ് പ്രതിഭ തങ്ങളുടെ 172 റണ്സ് നേടിയത്. യോര്ക്ക്ഷയറിന്വേണ്ടി ശ്രീജിത്ത് ശിവറാം മൂന്ന് വിക്കറ്റും അതുല്ജിത്ത്, നാസി എന്നിവര് രണ്ട് വിക്കറ്റും നേടി.
തന്റെ ഓള്റൗണ്ട് പ്രകടനത്തിന് മിഥുനിനെ മത്സരത്തിലെ താരം ആയി തിരഞ്ഞെടുക്കപ്പെട്ടു.
