സ്കോട്ലാന്‍ഡ് താരത്തെ സ്വന്തമാക്കി സസ്സെക്സ്, ടി20 ബ്ലാസ്റ്റിലെ ശേഷിക്കുന്ന മത്സരങ്ങളില്‍ കളിക്കും

Sports Correspondent

Download the Fanport app now!
Appstore Badge
Google Play Badge 1

സ്കോട്ലാന്‍ഡ് താരം കാലം മക്ലോഡിനെ സ്വന്തമാക്കി സസ്സെക്സ്. ശേഷിക്കുന്ന ടി20 ബ്ലാസ്റ്റ് മത്സരങ്ങളിലേക്കാണ് താരത്തിന്റെ സേവനം ഇനി ഉപയോഗിക്കുക. സ്കോട്‍ലാന്‍ഡിനായി 49 ടി20യും 66 ഏകദിനങ്ങളും കളിച്ചിട്ടുള്ള താരമാണ് സസ്സെക്സിനൊപ്പമെത്തുന്നത്. സസ്സെക്സിന്റെ ഫില്‍ സാള്‍ട്ട് ഇംഗ്ലണ്ട് ടീമിലേക്ക് റിസര്‍വ്വായി തിരഞ്ഞെടുക്കപ്പെട്ടതോടെ വന്ന ഒഴിവിലേക്കാണ് കാലം മക്ലോഡിനെ തിരഞ്ഞെടുത്തിനിരിക്കുന്നത്.

2018ല്‍ ഇംഗ്ലണ്ടിനെതിരെയുള്ള സ്കോട്‍ലാന്‍ഡിന്റെ വിജയത്തില്‍ 94 പന്തില്‍ നിന്ന് പുറത്താകാതെ 140 റണ്‍സ് നേടി മികച്ച് നിന്ന താരമാണ് കാലം മക്ലോഡ്. ഇതിന് മുമ്പ് വാര്‍വിക്ക്ഷയര്‍, ഡര്‍ഹം, ഡര്‍ബിഷയര്‍ എന്നിവര്‍ക്ക് വേണ്ടിയും കാലം കളിച്ചിട്ടുണ്ട്.