Local Sports News in Malayalam

സാഹയ്ക്ക് അനുമതി നൽകി ബംഗാള്‍ ക്രിക്കറ്റ് ബോര്‍ഡ്, താരം ഇനി തൃപുരയുടെ ക്യാപ്റ്റനും മെന്ററും

വൃദ്ധിമന്‍ സാഹയ്ക്ക് അനുമതി പത്രം നൽകി ബംഗാള്‍ ക്രിക്കറ്റ് ബോര്‍ഡ്. ഇതോടെ താരം തൃപുരയുടെ ക്യാപ്റ്റനും മെന്ററും ആയി അടുത്ത ആഭ്യന്തര സീസണിലെത്തും. ബംഗാള്‍ ജോയിന്റ് സെക്രട്ടറി താരത്തിന്റെ ആത്മാര്‍ത്ഥതയെ ചോദ്യം ചെയ്തതിനെത്തുടര്‍ന്നുണ്ടായ സംഭവ വികാസങ്ങളാണ് സാഹയെ തൃപുരയിലേക്ക് എത്തിച്ചത്.

ബംഗാളിനെ 15 വര്‍ഷത്തോളം പ്രതിനിധാനം ചെയ്ത താരം 122 ഫസ്റ്റ് ക്ലാസ് മത്സരങ്ങളും 102 ലിസ്റ്റ് എ മത്സരങ്ങളിലും കളിച്ചിട്ടുണ്ട്. ഇന്ത്യയ്ക്കായി 40 ടെസ്റ്റിലും 9 ഏകദിനങ്ങളിലും കളിച്ച താരത്തോട് അടുത്തിടെയാണ് രാഹുല്‍ ദ്രാവിഡ് താരത്തെ ഇനി അന്താരാഷ്ട്ര ക്രിക്കറ്റിൽ പരിഗണിക്കുകയില്ലെന്ന് വ്യക്തമാക്കിയത്.

You might also like