തുടക്കത്തിലെ തകര്‍ച്ചയ്ക്ക് ശേഷം അവസാന സെഷനിൽ ഇംഗ്ലണ്ടിന്റെ മികച്ച തിരിച്ചുവരവ്. ഇന്ന് മത്സരത്തിന്റെ രണ്ടാം ദിവസം അവസാനിക്കുമ്പോൾ ഇംഗ്ലണ്ട് 111/2 എന്ന നിലയിലാണ്. 93 റണ്‍സ് കൂട്ടുകെട്ട് നേടി ജോ റൂട്ടും റോറി ബേൺസുമാണ് ഇംഗ്ലണ്ടിനെ മുന്നോട്ട് നയിച്ചത്. ന്യൂസിലാണ്ടിന്റെ ഒന്നാം ഇന്നിംഗ്സ് 378 റണ്‍സിന് അവസാനിച്ച ശേഷം ഇംഗ്ലണ്ട് 18/2 എന്ന നിലയിലേക്ക് വീണ ശേഷമാണ് മൂന്നാം വിക്കറ്റ് കൂട്ടുകെട്ട് ടീമിന്റെ രക്ഷയ്ക്കെത്തിയത്.
റോറി ബേണ്‍സ് 59 റൺസും ജോ റൂട്ട് 42 റൺസുമാണ് ആതിഥേയര്‍ക്കായി നേടിയത്. ന്യൂസിലാണ്ടിന്റെ സ്കോറിന് 267 റണ്‍സ് പിന്നിലായാണ് ഇംഗ്ലണ്ട് ഇപ്പോള്‍ സ്ഥിതി ചെയ്യുന്നത്.
