ഇന്ത്യൻ താരങ്ങളായ ബുമ്രയുടെയും ശ്രേയസ് അയ്യറിന്റെയും പരിക്കിൽ ഒഉതിയ വിവരങ്ങൾ ബി സി സി ഐ പങ്കുവെച്ചു. ജസ്പ്രീത് ബുംറ ന്യൂസിലാൻഡിൽ വെച്ച് മുതുകിൽ ശസ്ത്രക്രിയയ്ക്ക് വിധേയനായി എന്നുൻ ശസ്ത്രക്രിയ വിജയകരമായിരുന്നു എന്നുൻ ജയ് ഷാ ഇന്ന് അറിയിച്ചു. ശസ്ത്രക്രിയ കഴിഞ്ഞ് ആറാഴ്ചയ്ക്ക് ശേഷം തന്റെ പുനരധിവാസം ആരംഭിക്കാൻ ഫാസ്റ്റ് ബൗളറിനാകും. ബുമ്ര ഇന്ത്യക്കായി കളിക്കാൻ ഇനിയും മാസങ്ങൾ എടുക്കും എന്നാണ് പ്രതീക്ഷിക്കപ്പെടുന്നത്.
ശ്രേയസ് അയ്യർ അടുത്ത ആഴ്ച ശസ്ത്രക്രിയക്ക് വിധേയനാകും എന്നും ബി സി സി ഐ അറിയിച്ചു. രണ്ടാഴ്ചത്തേക്ക് അദ്ദേഹം സർജന്റെ പരിചരണത്തിൽ തുടരും. അതിനുശേഷം പുനരധിവാസത്തിനായി എൻസിഎയിലേക്ക് അദ്ദേഹം മടങ്ങും എന്നും ജയ് ഷാ ഇന്ന് ഇറക്കിയ കുറിപ്പിൽ പറഞ്ഞു.
