സ്റ്റുവർട്ട് ബ്രോഡ് ടെസ്റ്റ് ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചു. 17 വർഷത്തെ അന്താരാഷ്ട്ര കരിയറിന് ഈ ആഷസ് ടെസ്റ്റോടെ വിരാമം ഇടും എന്ന് സ്റ്റുവർട്ട് ബ്രോഡ് ഇന്ന് പ്രഖ്യാപിച്ചു. 37 കാരനായ ഫാസ്റ്റ് ബൗളർ 167 ടെസ്റ്റ് മത്സരങ്ങളും 121 ഏകദിനങ്ങളും 56 ടി20 ഇന്റർനാഷണലുകളും ഇംഗ്ലണ്ടിനായി കളിച്ചിട്ടുണ്ട് ഇതുവ്രെ 845 വിക്കറ്റുകളും നേടിയിട്ടുണ്ട്.
2007-ൽ ശ്രീലങ്കയ്‌ക്കെതിരെ ടെസ്റ്റ് അരങ്ങേറ്റം കുറിച്ച ബ്രോഡ്, എക്കാലത്തെയും മികച്ച ടെസ്റ്റ് വിക്കറ്റ് വേട്ടക്കാരുടെ പട്ടികയിൽ അഞ്ചാം സ്ഥാനത്താണ്. സഹതാരം ജെയിംസ് ആൻഡേഴ്സണിനൊപ്പം, തങ്ങളുടെ രാജ്യത്തിനായി 600 ടെസ്റ്റ് വിക്കറ്റുകൾ പിന്നിട്ട രണ്ട് ഫാസ്റ്റ് ബൗളർമാരിൽ ഒരാളാണ് ബ്രോഡ്. ഈ ആഴ്ച ഓവലിൽ നടന്ന അവസാന മത്സരത്തിൽ തന്റെ 150-ാം ആഷസ് വിക്കറ്റും നേടിയിരുന്നു.
നോട്ടിംഗ്ഹാംഷെയർ ബൗളർ 2010ലെ ടി20 ലോകകപ്പും നാല് ആഷസ് പരമ്പര വിജയങ്ങളും ഉൾപ്പെടെ നിരവധി ബഹുമതികൾ ഇംഗ്ലണ്ടിനൊപ്പം നേടിയിട്ടുണ്ട്.
