ക്വറന്റൈനിൽ ഇളവില്ല, പരമ്പര മാറ്റിക്കിവെക്കാൻ ശ്രീലങ്കയോട് ആവശ്യപ്പെട്ട് ബംഗ്ലാദേശ്

- Advertisement -

ബംഗ്ലാദേശ് താരങ്ങൾക്ക് ക്വറന്റൈനിൽ ഇളവ് അനുവദിക്കാത്തതിനെ തുടർന്ന് ബംഗ്ലാദേശിന്റെ ശ്രീലങ്കൻ പര്യടനം മാറ്റിവെക്കാൻ ആവശ്യപ്പെട്ട് ബംഗ്ലാദേശ് ക്രിക്കറ്റ് ബോർഡ്. ബംഗ്ലാദേശ് ക്രിക്കറ്റ് ബോർഡ് ചെയർമാൻ നസ്മുൽ ഹസൻ ആണ് പരമ്പര മാറ്റിവെക്കാൻ ശ്രീലങ്കയോട് ആവശ്യപ്പെട്ടാൽ കാര്യം അറിയിച്ചത്. 14 ദിവസത്തെ ക്വറന്റൈൻ 7 ദിവസമാക്കി ചുരുക്കണമെന്ന ബംഗ്ലാദേശ് ക്രിക്കറ്റ് ബോർഡിന്റെ ആവശ്യം ശ്രീലങ്ക അംഗീകരിക്കാതിരുന്നതോടെയാണ് പരമ്പര ഇത്തരം നിയന്ത്രണങ്ങൾ ഇല്ലാത്ത മറ്റൊരു സമയത്തേക്ക് മാറ്റിവെക്കാൻ ബംഗ്ലാദേശ് ശ്രീലങ്കൻ ക്രിക്കറ്റ് ബോർഡിനോട് ആവശ്യപ്പെട്ടത്.

ബംഗ്ലാദേശ് താരങ്ങൾക്ക് 14 ദിവസം ക്വറന്റൈനിൽ ഇരിക്കാൻ കഴിയില്ലെന്നും അതുകൊണ്ട് പരമ്പര മാറ്റിവെക്കാൻ ശ്രീലങ്കൻ ക്രിക്കറ്റ് ബോർഡിനോട് ആവശ്യപെട്ടിട്ടുണ്ടെന്നും നസ്മുൽ ഹസൻ പറഞ്ഞു. ഇത്തരം നിയന്ത്രണങ്ങൾ ഇല്ലാത്ത ഒരു സമയത്ത് പരമ്പര നടത്താമെന്നും നസ്മുൽ ഹസൻ പറഞ്ഞു. അതെ സമയം ഈ വിഷയത്തിൽ ഒരു ചർച്ച ഉണ്ടാവില്ലെന്നും ക്വറന്റൈൻ ചുരുക്കുന്നത് ശ്രീലങ്കൻ ക്രിക്കറ്റ് ബോർഡിന് ചെയ്യാൻ കഴിയുമായിരുന്നെങ്കിൽ അത് ഇപ്പോഴെക്കും ചെയ്യുമായിരുന്നെന്നും നജ്മുൽ ഹസൻ പറഞ്ഞു.

14 ദിവസം ക്വറന്റൈനിൽ ഇരുന്നുകൊണ്ട് ഒരു ടെസ്റ്റ് ചാംപ്യൻഷിപ് നടത്തുകെ പ്രയാസമാണെന്നും റൂമിൽ നിന്ന് പോലും പുറത്തുപോവാതെയുള്ള ക്വറന്റൈൻ നടക്കില്ലെന്നും നസ്മുൽ ഹസൻ പറഞ്ഞു.

Advertisement