ബംഗ്ലാദേശ് ബാറ്റ്സ്മാന്മാര്‍ക്ക് ആത്മവിശ്വാസം തീരെയില്ലെന്ന് തുറന്ന് സമ്മതിച്ച് മുഖ്യ കോച്ച് റസ്സൽ ഡൊമിംഗോ. ആദ്യ ടെസ്റ്റിൽ ബാറ്റിംഗ് പരാജയത്തിനാൽ തോല്‍വിയെ അഭിമുഖീകരിക്കുകയാണ് ബംഗ്ലാദേശ്. ആദ്യ ഇന്നിംഗ്സിൽ 103 റൺസിനാണ് ടീം ഓള്‍ഔട്ട് ആയത്.
രണ്ടാം ഇന്നിംഗ്സിലും സമാനമായ രീതിയിൽ ടീം തകര്‍ന്നുവെങ്കിലും ഷാക്കിബും നൂറുള്‍ ഹസനും ചേര്‍ന്ന് ടീമിനെ 245 റൺസ് എത്തുവാന്‍ സഹായിക്കുകയായിരുന്നു. 109/6 എന്ന നിലയിൽ നിന്ന് 123 റൺസാണ് ഇരുവരും ചേര്‍ന്ന് നേടിയത്.
വളരെ അധികം സോഫ്ട് ഡിസ്മിസ്സലുകള്‍ ഈ മത്സരത്തിൽ ഉണ്ടായി എന്നാണ് ഡൊമിംഗോ പറഞ്ഞത്. മോമിനുള്‍ ഹക്ക്, നജ്മുള്‍ ഹൊസൈന്‍ ഷാന്റോ എന്നീ വലിയ താരങ്ങളുടെ ആത്മവിശ്വാസം ഇപ്പോള്‍ കുറഞ്ഞ നിലയിലാണെന്നും ആത്മവിശ്വാസം എന്നത് ഏറെ വലിയ കാര്യമാണെന്നും ഡൊമിംഗോ സൂചിപ്പിച്ചു.
