രണ്ട് രാജ്യങ്ങള്ക്ക് വേണ്ടി ടെസ്റ്റ് ശതകങ്ങള് നേടിയിട്ടുള്ള വെറും രണ്ട് താരങ്ങളാണ് അന്താരാഷ്ട്ര ക്രിക്കറ്റിലുള്ളത്. അതിൽ ഒന്ന് സിംബാബ്വേയ്ക്കായുള്ള തന്റെ അരങ്ങേറ്റ മത്സരത്തിൽ ശതകം നേടിയ മുന് ഇംഗ്ലണ്ട് താരം ഗാരി ബല്ലാന്സ് ആണെങ്കിൽ ഇതിന് മുമ്പ് ഈ നേട്ടം കൊയ്തത് കെപ്ലര് വെസ്സൽസ് ആയിരുന്നു.
വെസ്സൽസ് ഓസ്ട്രേലിയയ്ക്കും ദക്ഷിണാഫ്രിക്കയ്ക്കും വേണ്ടിയാണ് ശതകങ്ങള് നേടിയത്. വെസ്സൽസ് 1982-85 കാലയളവിൽ ഓസ്ട്രേലിയയ്ക്കായി 4 ശതകങ്ങള് നേടിയപ്പോള് ദക്ഷിണാഫ്രിക്ക ടെസ്റ്റ് ക്രിക്കറ്റിലേക്ക് 1991ൽ തിരിച്ചെത്തിയപ്പോള് രണ്ട് ശതകം നേടി.
ബല്ലാന്സ് ഇംഗ്ലണ്ടിനായി 2014-17 കാലഘട്ടത്തിൽ 4 ശതകങ്ങള് നേടിയിട്ടുണ്ട്. 2021ൽ യോര്ക്ക്ഷയര് ടീം അംഗം റഫീക്കിനെതിരെ വംശീയാധിക്ഷേപം നടത്തിയതിന് താരത്തെ കൗണ്ടി റിലീസ് ചെയ്തതോടെയാണ് താരം തന്റെ സ്വദേശത്തേക്ക് മടങ്ങിയത്.
