അഫ്ഗാനിസ്ഥാന് ക്രിക്കറ്റിന് പുതിയ ബാറ്റിംഗ് കോച്ച് എത്തുന്നു. മുന്‍ ശ്രീലങ്കന്‍ താരം അവിഷ്ക ഗുണവര്‍ദ്ധേനേ ആണ് ഈ റോളിൽ എത്തുന്നത്. അഫ്ഗാനിസ്ഥാന് ക്രിക്കറ്റിന്റെ ഔദ്യോഗിക ട്വിറ്റര്‍ ഹാന്‍ഡിൽ ആണ് വിവരം സ്ഥിരീകരിച്ചത്.
ശ്രീലങ്കയ്ക്ക് വേണ്ടി 61 ഏകദിനങ്ങളിലും 6 ടെസ്റ്റ് മത്സരങ്ങളിലും കളിച്ച താരമാണ് അവിഷ്ക ഗുണവര്‍ദ്ധേനേ. അഫ്ഗാനിസ്ഥാനിൽ താലിബാന്‍ ഭരണം പിടിച്ചതോടെ വിഷമ സ്ഥിതിയിലൂടെ രാജ്യം കടന്ന് പോകുകയാണ്. എങ്കിലും ടീം ടി20 ലോകകപ്പിൽ കളിക്കുമെന്ന് ടീമിന്റെ മീഡിയ മാനേജര്‍ ആയ ഹിക്മത് ഹസ്സന്‍ വ്യക്തമാക്കി.
