ന്യൂസിലാണ്ടിനെതിരെ പെര്‍ത്ത് ടെസ്റ്റില്‍ 296 റണ്‍സിന്റെ വിജയം കുറിച്ച് ഓസ്ട്രേലിയ. ന്യൂസിലാണ്ടിന്റെ രണ്ടാം ഇന്നിംഗ്സ് 171 റണ്‍സില്‍ അവസാനിപ്പിച്ചാണ് ഓസ്ട്രേലിയ തങ്ങളുടെ മികച്ച വിജയം ഉറപ്പാക്കിയത്. നാല് വീതം വിക്കറ്റുമായി നഥാന്‍ ലയണും മിച്ചല്‍ സ്റ്റാര്‍ക്കുമാണ് ഓസീസ് വിജയ ശില്പികളായത്. രണ്ടാം ഇന്നിംഗ്സില്‍ ന്യൂസിലാണ്ട് നിരയില്‍ 40 റണ്‍സുമായി ബിജെ വാട്ളിംഗ് ടോപ് സ്കോറര്‍ ആയപ്പോള്‍ കോളിന്‍ ഡി ഗ്രാന്‍ഡോം 33 റണ്‍സ് നേടി.
റോസ് ടെയിലര്‍(22), ഹെന്‍റി നിക്കോളസ്(21) എന്നിവര്‍ ആണ് 20ന് മേല്‍ റണ്‍സ് നേടിയ മറ്റു താരങ്ങള്‍. പാറ്റ് കമ്മിന്‍സിന് രണ്ട് വിക്കറ്റ് ലഭിച്ചു.
