അടുത്തിടെ ധാരാളം ക്രിക്കറ്റ് കളിക്കുന്നതിനാൽ ആണ് ശുഭ്മൻ ഗില്ലിന് ഫോമിലേക്ക് എത്താൻ ഇപ്പോൾ കഴിയാത്തത് എന്നും അദ്ദേഹത്തിന് അൽപ്പം വിശ്രമം ആവശ്യമാണെന്നും ഹർഭജൻ സിംഗ്. പാക്കിസ്ഥാനെതിരായ ഇന്ത്യയുടെ ഏഷ്യാ കപ്പ് ഉദ്ഘാടന മത്സരത്തിൽ 32 പന്തിൽ 10 റൺസാണ് ഗിൽ നേടിയത്.
“ഇത് അമിത ക്രിക്കറ്റ് കാരണമാണെന്ന് ഞാൻ കരുതുന്നു. അവൻ കുറച്ച് നാളായി കളിക്കുന്നു. അദ്ദേഹത്തിന് മികച്ച ഐപിഎൽ ഉണ്ടായിരുന്നു. ഐപിഎൽ വളരെ ഡിമാൻഡ് ടൂർണമെന്റായതിനാൽ ഓരോ കളിക്കാരനും അത് കഴിഞ്ഞ് വിശ്രമം ആവശ്യമാണ്. എല്ലാ രണ്ടാം ദിവസവും അവിടെ ക്രിക്കറ്റ് കളിക്കണം” ഹർഭജൻ പറഞ്ഞു.
“അദ്ദേഹത്തിന് അൽപ്പം ഇടവേള വേണമെന്ന് എനിക്ക് തോന്നുന്നു. അദ്ദേഹം ഒരു മികച്ച കളിക്കാരനാണ്, അതിൽ യാതൊരു സംശയവുമില്ല,” ഹർഭജൻ പറഞ്ഞു
“അവൻ ഫോമിലേക്ക് തിരിച്ചെത്തുകയും റൺസ് സ്കോർ ചെയ്യാൻ തുടങ്ങുകയും ചെയ്യും. അദ്ദേഹത്തിന്റെ സാങ്കേതികതയിൽ തെറ്റൊന്നുമില്ലെന്നു ഞാൻ വിശ്വസിക്കുന്നു. പക്ഷേ, അവന്റെ ആത്മവിശ്വാസം അൽപ്പം കുറവാണെന്നും കുറച്ചുകൂടി സമയം നൽകിയാൽ അവൻ നന്നായി വരുമെന്ന് എനിക്ക് ഉറപ്പുണ്ട്” ഹർഭജൻ കൂട്ടിച്ചേർത്തു.
