ഏഷ്യ കപ്പ് 2023 വിജയിക്കുവാന്‍ ഫേവറൈറ്റുകള്‍ പാക്കിസ്ഥാനാണന്ന് പറഞ്ഞ് സയ്യദ് അജ്മൽ. ഓഗസ്റ്റ് 30ന് നേപ്പാളിനെതിരെ തങ്ങളുടെ ടൂര്‍ണ്ണമെന്റ് ആരംഭിയ്ക്കുന്ന പാക്കിസ്ഥാന്‍ അഫ്ഗാനിസ്ഥാനെതിരെ കഴിഞ്ഞ പരമ്പരയിൽ കരുതുറ്റ വിജയം നേടിയിരുന്നു. ശ്രീലങ്കയിൽ നടന്ന പരമ്പരയിലെ സാഹചര്യങ്ങളുമായി പാക്കിസ്ഥാന്‍ വേഗത്തിൽ പൊരുത്തപ്പെട്ടതും ഏഷ്യ കപ്പിൽ ടീമിന് ഗുണം ചെയ്യുമെന്ന് അജ്മൽ വ്യക്തമാക്കി.
പാക്കിസ്ഥാന്‍ ഏഷ്യ കപ്പ് വിജയിക്കുകയും ലോകകപ്പിന്റെ സെമി ഫൈനലിലെത്തുമെന്നാണ് തന്റെ പ്രവചനമെന്നും പാക്കിസ്ഥാന്റെ പേസര്‍മാര്‍ ടീമിനെ മറ്റു ടീമുകളിൽ നിന്ന് വേറിട്ട് നിൽക്കുവാന്‍ സഹായിക്കുമെന്നും അജ്മൽ വ്യക്തമാക്കി. ഷഹീന്‍ അഫ്രീദിയും നസീം ഷായും ന്യൂ ബോളിൽ വിക്കറ്റ് നേടാന്‍ മിടുക്കരാണെങ്കിലും ഹാരിസ് റൗഫ് ഡെത്ത് ബൗളിംഗിൽ മികവാര്‍ന്ന ബൗളറാണെന്നും അജ്മൽ സൂചിപ്പിച്ചു.
