ഏഷ്യാ കപ്പിൽ തുടക്കത്തിക് തന്നെ ബംഗ്ലാദേശിന് വൻ തിരിച്ചടി. ബംഗ്ലദേശിന്റെ ഏറ്റവും മികച്ച ബാറ്ററിൽ ഒരാളായ ലിറ്റൺ ദാസ് വൈറൽ പനി കാരണമാണ് ടീമിൽ നിന്ന് പുറത്തായത്‌. താരത്തിന്റെ പനി ഭേദമായില്ല എന്നു ബംഗ്ലാദേശ് അറിയിച്ചു.
ഓഗസ്റ്റ് 31 ന് പല്ലേക്കലെയിൽ നടക്കുന്ന ബംഗ്ലാദേശിന്റെ ഉദ്ഘാടന മത്സരത്തിനായി യാത്ര ചെയ്ത സംഘത്തിൽ ലിറ്റൺ ദാസ് ഉണ്ടായിരുന്നില്ല. 30 കാരനായ വിക്കറ്റ് കീപ്പർ-ബാറ്റർ അനാമുൽ ഹക്ക് ബിജോയിയെ പകരക്കാരനായി ബംഗ്ലാദേശ് തിരഞ്ഞെടുത്തു, അദ്ദേഹം ഓഗസ്റ്റ് ഇന്ന് ടീമിനൊപ്പം ചേരും.
44 ഏകദിനങ്ങളിൽ ബംഗ്ലാദേശിനെ പ്രതിനിധീകരിച്ചിട്ടുള്ള ബിജോയ് മൂന്ന് സെഞ്ച്വറികൾ ഉൾപ്പെടെ 1254 റൺസ് നേടിയിട്ടുണ്ട്. കഴിഞ്ഞ വർഷം ഡിസംബറിൽ ഇന്ത്യയ്‌ക്കെതിരായ ഹോം പരമ്പരയിലാണ് അദ്ദേഹം അവസാനമായി ഏകദിനത്തിൽ കളിച്ചത്.
