ഇന്ത്യക്ക് എതിരായ പരാജയത്തിൽ നിന്ന് കരകയറാൻ ഇറങ്ങുന്ന പാകിസ്താൻ ശ്രീലങ്കയ്ക്ക് എതിരായ ആദ്യ ഇലവൻ പ്രഖ്യാപിച്ചു. ബാബർ അസം നയിക്കുന്ന ടീമിൽ അഞ്ച് മാറ്റങ്ങൾ അവർ വരുത്തി. ഈ മത്സരം വിജയിക്കുന്ന ടീമാകുൻ ഫൈനലിലേക്ക് മുന്നേറുക. പരിക്ക് ആണ് പാകിസ്താൻ ടീമിൽ വലിയ മാറ്റങ്ങൾ വരാനുള്ള പ്രധാന കാരണം.
നസീം ഷാ തോളെല്ലിന് പരിക്കേറ്റതിനാൽ ഇനി ഈ ടൂർണമെന്റിൽ കളിക്കില്ല എന്ന് ഉറപ്പായിട്ടുണ്ട്. പരിക്കേറ്റ ഹാരിസ് റൗഫും ടീമിൽ ഇല്ല. മുഹമ്മദ് വസീം ജൂനിയറും സമാൻ ഖാനും പ്ലേയിംഗ് ഇലവനിലേക്ക് പകരം എത്തി. സൗദ് ഷക്കീൽ, മുഹമ്മദ് നവാസ് എന്നിവരും ടീമിൽ എത്തി. ഫഖർ സമന് പകരം മുഹമ്മദ് ഹാരിസും ആദ്യ ഇലവനിൽ എത്തി. രവീന്ദ്ര ജഡേജയുടെ പന്തിൽ മുഖത്ത് ഇടിച്ച ആഘ സൽമാനും ടീമിൽ ഇല്ല.
