ഇന്ത്യൻ ടീമിന്റെ സെലക്ടർമാർക്കായി ബി സി സി ഐ അപേക്ഷ ക്ഷണിച്ചു

ഇന്ത്യൻ ടീമിന് പുതിയ സെലക്ടർമാരെ തിരഞ്ഞെടുക്കുന്നതിന് ബി.സി.സി.ഐ അപേക്ഷ ക്ഷണിച്ചു. കാലാവധി തീരുന്ന സെലക്ടർമാരായ എം.എസ്.കെ പ്രസാദ്, ഗഗൻ ഖോട എന്നിവരുടെ ഒഴിവിലേക്കാണ് ബി.സി.സി.ഐ അപേക്ഷ ക്ഷണിച്ചത്. പുരുഷന്മാരുടെ ജൂനിയർ – സീനിയർ ടീമുകൾക്കും വനിതകളുടെ സീനിയർ ടീമിനെ തിരഞ്ഞെടുക്കാനുള്ള സെലക്ടർമാർക്കാണ് അപേക്ഷ ക്ഷണിച്ചത്. വനിതകളുടെ സെലക്ഷൻ കമ്മിറ്റിയിൽ മൊത്തം അഞ്ച് ഒഴിവുകളാണ് ഉള്ളത്.

അപേക്ഷ സമർപ്പിക്കേണ്ട അവസാന തിയ്യതി ജനുവരി 24 ആണ്. ചുരുങ്ങിയത് 7 ടെസ്റ്റ് മത്സരങ്ങളാണോ അല്ലെങ്കിൽ 30 ആഭ്യന്തര മത്സരങ്ങളോ അല്ലെങ്കിൽ 10 ഏകദിന മത്സരങ്ങളും 20 ആഭ്യന്തര മത്സരങ്ങളോ കളിച്ചവർക്ക് അപേക്ഷിക്കാം. വനിതകൾക്കാണെങ്കിൽ ഇന്ത്യൻ ദേശീയ ടീമിന് വേണ്ടി കളിച്ചിരിക്കണം. ജൂനിയർ ടീമുകളുടെ സെലക്ടർമാർ ചുരുങ്ങിയത് 25 ആഭ്യന്തര മത്സരങ്ങൾ കളിച്ചിരിക്കണം.

Previous articleപ്രീമിയർ ലീഗിൽ ഇന്ന് തീപാറും, ലിവർപൂളിന്റെ അപരാജിത കുതിപ്പ് അവസാനിപ്പിക്കാൻ മാഞ്ചസ്റ്റർ യുണൈറ്റഡ് ആൻഫീൽഡിൽ
Next articleഅണ്ടർ 19 കിരീടം നിലനിർത്താൻ ഇന്ത്യൻ യുവനിര ഇന്നിറങ്ങും