ഒക്ടോബറിൽ യുഎഇയിൽ വെച്ച് അഫ്ഗാനിസ്ഥാൻ ബംഗ്ലാദേശിനെതിരെ മൂന്ന് മത്സരങ്ങളടങ്ങിയ ടി20 പരമ്പരയ്ക്ക് ആതിഥേയത്വം വഹിക്കാൻ സാധ്യതയുണ്ടെന്ന് ഇഎസ്പിഎൻ റിപ്പോർട്ട് ചെയ്യുന്നു. 2024 ജൂലൈയിൽ നടത്താൻ പദ്ധതിയിട്ടിരുന്ന സമ്പൂർണ്ണ പര്യടനത്തിന്റെ രണ്ടാം ഭാഗമാണിത്. അന്തിമ തീയതികൾ ഇതുവരെ സ്ഥിരീകരിച്ചിട്ടില്ലെങ്കിലും, സെപ്റ്റംബറിലെ ഏഷ്യാ കപ്പിനും ഒക്ടോബറിൽ നടക്കുന്ന വെസ്റ്റ് ഇൻഡീസിനെതിരായ ബംഗ്ലാദേശിന്റെ ഹോം പരമ്പരയ്ക്കും ഇടയിലായിരിക്കും ഈ പരമ്പര നടക്കാൻ സാധ്യത.
ആദ്യ ഷെഡ്യൂൾ അനുസരിച്ച് രണ്ട് ടെസ്റ്റുകളും മൂന്ന് ഏകദിനങ്ങളും മൂന്ന് ടി20 മത്സരങ്ങളും ഉൾപ്പെടുന്നതായിരുന്നു ഈ പര്യടനം. എന്നാൽ കാലാവസ്ഥാ പ്രശ്നങ്ങളും ബംഗ്ലാദേശിന്റെ തിരക്കിട്ട ഷെഡ്യൂളും കാരണം മത്സരങ്ങൾ വെട്ടിച്ചുരുക്കുകയും മാറ്റിവെക്കുകയും ചെയ്തു. 2024 നവംബറിൽ ഏകദിന പരമ്പര മാത്രമാണ് പൂർത്തിയായത്, അന്ന് അഫ്ഗാനിസ്ഥാൻ 2-1ന് പരമ്പര സ്വന്തമാക്കിയിരുന്നു.
