ഏകദിനത്തില്‍ 200 സിക്സ് എന്ന നേട്ടം ഇന്ന് വിന്‍ഡീസിനെതിരെ രോഹിത് ശര്‍മ്മ സ്വന്തമാക്കുമ്പോള്‍ ആ നേട്ടത്തിലെ ചില പ്രത്യേകതകള്‍ നമുക്ക് നോക്കാം. 187 ഇന്നിംഗ്സുകളില്‍ നിന്നാണ് 200 സിക്സ് രോഹിത് അടിച്ചത്. ഇതുവരെ ഷാഹിദ് അഫ്രീദി 195 ഇന്നിംഗ്സുകളില്‍ നിന്ന് നേടിയ 200 സിക്സുകളായിരുന്നു ഈ ഗണത്തില്‍ മുന്നില്‍. എബി ഡി വില്ലിയേഴ്സ്(214), ബ്രണ്ടന്‍ മക്കല്ലം(228), ക്രിസ് ഗെയില്‍(241), എംഎസ് ധോണി(248), സനത് ജയസൂര്യ(343) എന്നിവരാണ് ഈ നേട്ടം കൊയ്ത മറ്റു താരങ്ങള്‍.
അതേ സമയം പന്തുകളുടെ എണ്ണത്തില്‍ അഫ്രീദി തന്നെയാണ് ഏറെ മുന്നില്‍ 4203 പന്തുകള്‍ നേരിട്ടാണ് അഫ്രീദി 200 സിക്സിലേക്ക് എത്തുന്നത്. അതേ സമയം രോഹിത് 8387 പന്തുകള്‍ നേരിട്ടാണ് ഈ നേട്ടം കൊയ്തത്. മത്സരത്തില്‍ രണ്ട് സിക്സുകള്‍ കൂടി നേടി രോഹിത്തിന്റെ സിക്സ് നേട്ടം 202 സിക്സില്‍ എത്തി നില്‍ക്കുകയാണ്.
