ബംഗ്ലാദേശ് പ്രീമിയര്‍ ലീഗില്‍ മത്സരിക്കുന്നതിനിടെ പരിക്കേറ്റ സ്റ്റീവ് സ്മിത്തിനു ശസ്ത്രക്രിയ ആവശ്യമെന്ന് റിപ്പോര്‍ട്ട്. താരം ആറാഴ്ചയോളം കളത്തിനു പുറത്തിരിക്കേണ്ടി വരുമെന്നും അറിയുന്നു. വലത് കൈമുട്ടിലെ ലിഗമെന്റിനാണ് തകരാറെന്നും അത് ശരിയാക്കുവാന്‍ ശസ്ത്രക്രിയ ആവശ്യമാണെന്നുമാണ് അറിയുന്നത്.
12 മാസം വിലക്ക് നേരിടുന്ന മുന്‍ ഓസീസ് നായകന് ഓസ്ട്രേലിയന്‍ ദേശീയ ടീമിനും ആഭ്യന്തര ക്രിക്കറ്റിലും കളിക്കാനാകില്ലായിരുന്നു. അതേ സമയം മാര്‍ച്ചിനു ശേഷം താരത്തിനു വീണ്ടും ക്രിക്കറ്റില്‍ സജീവമാകാം. എന്നാല്‍ ലോകകപ്പ് ടീമില്‍ സ്മിത്തിന്റെ സ്ഥാനത്തിനു തിരിച്ചടിയാകുന്ന വാര്‍ത്തയാണ് ഇപ്പോള്‍ ശസ്ത്രക്രിയയുടെ രൂപത്തില്‍ എത്തുന്നത്.
