പ്രൊ കബഡി ലീഗില്‍ 71ാം മത്സരത്തില്‍ മികച്ച വിജയം നേടി ഗുജറാത്ത് ഫോര്‍ച്യൂണ്‍ജയന്റ്സ്. 37-32 എന്ന സ്കോറിനു യുപി യോദ്ധയ്ക്കെതിരെ ഇന്ന് നടന്ന രണ്ടാം മത്സരത്തില്‍ ഗുജറാത്ത് ജയം ഉറപ്പാക്കുകയായിരുന്നു. ഇടവേള സമയത്ത് 20-10നു ഗുജറാത്തായിരുന്നു മുന്നില്‍. രണ്ടാം പകുതിയില്‍ യുപി മെച്ചപ്പെട്ടുവെങ്കിലും ലീഡ് മറികടക്കുവാന്‍ ടീമിനായില്ല.
റെയിഡിംഗില്‍ ഇരു ടീമുകളും 17 പോയിന്റ് വീതം നേടി ഒപ്പം നിന്നപ്പോള്‍ 12-11നു ഗുജറാത്ത് നേരിയ ലീഡ് പ്രതിരോധത്തില്‍ സ്വന്തമാക്കി. 4-2 നു ഓള്‍ഔട്ട് പോയിന്റിലും ഗുജറാത്ത് തന്നെയായിരുന്നു മുന്നില്‍. അധിക പോയിന്റിലും ഇതേ മാര്‍ജിനില്‍ ഗുജറാത്ത് മുന്നിട്ട് നിന്നു.
ഗുജറാത്തിനായി സച്ചിന്‍ 8 പോയിന്റും സുനില്‍ കുമാര്‍ 5 പോയിന്റും നേടി. അതേ സമയം യുപിയുടെ ശ്രീകാന്ത് ജാഥവ് 11 പോയിന്റുമായി മത്സരത്തിലെ തന്നെ ടോപ് സ്കോറര്‍ ആയി. നിതേഷ് കുമാര്‍ അഞ്ച് പോയിന്റും നേടി.
