ചൈന ഓപ്പണില്‍ ഇന്ത്യന്‍ പ്രാതിനിധ്യം അവസാനിച്ചു. ഇന്ന് വനിത സിംഗിള്‍സ് ക്വാര്‍ട്ടറില്‍ പിവി സിന്ധു പരാജയപ്പെട്ടത്തിനു പിന്നാലെ പുരുഷ സിംഗിള്‍സില്‍ ശ്രീകാന്ത് കിഡംബിയും പുരുഷ ഡബിള്‍സില്‍ സാത്വിക് സായിരാജ്-ചിരാഗ് ഷെട്ടി കൂട്ടുകെട്ടും പുറത്താകുകയായിരുന്നു. ശ്രീകാന്ത് തായ്‍വാന്റെ ടിയന്‍ ചെന്‍ ചൗവിനോട് നേരിട്ടുള്ള ഗെയിമുകളില്‍ 14-21, 14-21 എന്ന സ്കോറിനാണ് കീഴടങ്ങിയത്. 35 മിനുട്ടാണ് മത്സരം നീണ്ട് നിന്നത്.
ഇന്തോനേഷ്യന്‍ ടീമിനോട് മൂന്ന് ഗെയിം പോരാട്ടത്തിനു ശേഷമാണ് ഇന്ത്യന്‍ ഡബിള്‍സ് ജോഡി പുറത്തായത്. 11-21, 21-16, 12-21 എന്ന സ്കോറിനു 42 മിനുട്ടിലാണ് ഇന്ത്യന്‍ താരങ്ങളുടെ തോല്‍വി.
