ലയണൽ മെസ്സി 11 ദിവസങ്ങൾക്ക് ശേഷം ബാഴ്സലോണ പരിശീലനത്തിലേക്ക് തിരിച്ചെത്തി. ബാഴ്സയുടെ സെവിയ്യക്ക് എതിരായ ല ലീഗ മത്സരത്തിനിടെയാണ് സൂപ്പർ താരത്തിന് കൈക്ക് പരിക്കേറ്റത്. ഇതോടെ റയലിന് എതിരായ എൽ ക്ലാസിക്കോ മെസ്സിക്ക് നഷ്ടമായിരുന്നു.
മെസ്സിയുടെ അഭാവത്തിലും ബാഴ്സ റയലിനെ തകർത്തിരുന്നു. എങ്കിലും പ്രതീക്ഷിച്ചതിലും വേഗത്തിൽ മെസ്സി തിരിച്ചെത്തുന്നത് അവർക്ക് ആശ്വാസമാകും. എങ്കിലും തിരക്കിട്ട് താരത്തെ കളിപ്പിക്കാൻ വാൽവേർടെ തയ്യാറായേക്കില്ല. കോപ്പ ഡെൽ റയിൽ കൾച്ചറൽ ലിയോനെക്ക് എതിരെയാണ് ബാഴ്സയുടെ അടുത്ത മത്സരം.
