വോൾവ്സ് പരിശീലകൻ നുനോ എസ്‌പെരിറ്റോ സാന്റോ സെപ്റ്റംബറിലെ മികച്ച പ്രീമിയർ ലീഗ് പരിശീലകനുള്ള അവാർഡ് സ്വന്തമാക്കി. സെപ്റ്റംബറിൽ വോൾവ്സ് നടത്തിയ അപരാജിത കുതിപ്പാണ് അദ്ദേഹത്തിന് അവാർഡ് സമ്മാനിച്ചത്.
സെപ്റ്റംബറിൽ വോൾവ്സ് കളിച്ച 4 കളികളിൽ അവർ 3 ജയവും ഒരു സമനിലയുമാണ് സ്വന്തമാക്കിയത്. കൂടാതെ ഈ മത്സരങ്ങളിൽ 3 കളീൻ ഷീറ്റും ടീം സ്വന്തമാക്കി. ഓൾഡ് ട്രാഫോഡിൽ മൗറീഞ്ഞോയുടെ മാഞ്ചസ്റ്റർ യുണൈറ്റഡിനെ സമനിലയിൽ തളച്ച സാന്റോയുടെ ടീം നിലവിൽ ലീഗിൽ എട്ടാം സ്ഥാനത്താണ്.
