പാക്കിസ്ഥാന്‍ സൂപ്പര്‍ ലീഗിന്റെ നാലാം പതിപ്പില്‍ കളിക്കുവാന്‍ പേര് ചേര്‍ത്ത് മുന്‍ ഓസ്ട്രേലിയന്‍ നായകന്‍ സ്റ്റീവ് സ്മിത്ത്. പന്ത് ചുരണ്ടല്‍ വിവാദത്തെത്തുടര്‍ന്ന് വിലക്ക് മൂലം ഓസ്ട്രേലിയയ്ക്ക് കളിക്കുന്നതില്‍ നിന്ന് വിട്ട് നില്‍ക്കുന്ന താരം പാക്കിസ്ഥാന്‍ സൂപ്പര്‍ ലീഗിന്റെ പുതിയ സീസണില്‍ പേര് ചേര്‍ത്തിട്ടുണ്ടെന്നാണ് അറിയുന്നത്. ലോകകപ്പ് 2019നു മുമ്പ് വിലക്ക് തീര്‍ന്ന് ഓസ്ട്രേലിയന്‍ ടീമിലേക്ക് മടങ്ങിയെത്തുവാന്‍ ശ്രമിക്കുന്ന സ്മിത്തിനു പിഎസ്എലിലെ മത്സര പരിചയും ഗുണകരമാകുമെന്നാണ് കരുതപ്പെടുന്നത്.
സ്റ്റീവ് സ്മിത്തിനു പുറമേ ഡേവിഡ് വാര്‍ണറും ടൂര്‍ണ്ണമെന്റില്‍ പങ്കെടുക്കുമെന്നാണ് പുറത്ത് വരുന്ന വിവരം. വരും ദിവസങ്ങളില്‍ വാര്‍ണറുടെ കാര്യത്തിലും കൂടുതല്‍ വ്യക്തത വരുമെന്നാണ് ലഭിയ്ക്കുന്ന വിവരം.
