ഡല്‍ഹിയ്ക്കെതിരെയുള്ള നാണംകെട്ട് തോല്‍വിയ്ക്ക് ശേഷം വീണ്ടും വിജയ് ഹസാരെ ട്രോഫിയ്ക്കിറങ്ങിക കേരളത്തിനു തോല്‍വി. കേരളത്തിനെതിരെ ഹൈദ്രാബാദ് 7 വിക്കറ്റ് വിജയം സ്വന്തമാക്കുകയായിരുന്നു. ആദ്യം ബാറ്റ് ചെയ്യുവാന്‍ തീരുമാനിച്ച കേരളത്തിനു 50 ഓവറില്‍ നിന്ന് 189/6 എന്ന സ്കോര്‍ മാത്രമേ നേടാനായുള്ളു. 62 റണ്‍സ് നേടിയ വിഎ ജഗദീഷ് ടോപ് സ്കോറര്‍ ആയപ്പോള്‍ വിഷ്ണു വിനോദ് 34 റണ്‍സുമായി പുറത്താകാതെ നിന്നു. സച്ചിന്‍ ബേബി 31 റണ്‍സ് നേടി.
മറുപടി ബാറ്റിംഗിനായി ഇറങ്ങിയ ഹൈദ്രാബാദ് രോഹിത് റായിഡു(57*), ബി സന്ദീപ്(48*) എന്നിവര്‍ക്കൊപ്പം ആശിഷ് റെഡ്ഢി(37), അക്ഷത് റെഡ്ഢി(39) എന്നിവരുടെ ബാറ്റിംഗ് കൂടി ചേര്‍ന്നപ്പോള്‍ 3 വിക്കറ്റ് നഷ്ടത്തില്‍ 46.4 ഓവറില്‍ 190 റണ്‍സ് നേടി വിജയം സ്വന്തമാക്കി.
കേരളത്തിനായി ജലജ് സക്സേന 2 വിക്കറ്റ് നേടി. 10 ഓവറില്‍ 22 റണ്‍സാണ് താരം വഴങ്ങിയത്. മറ്റു ബൗളര്‍മാര്‍ക്ക് സമാനമായ രീതിയില്‍ സമ്മര്‍ദ്ദം ഉയര്‍ത്താനാകാതെ പോയപ്പോള്‍ നാലാം വിക്കറ്റ് കൂട്ടുകെട്ട് ഹൈദ്രാബാദിനെ വിജയത്തിലേക്ക് നയിച്ചു.
