ഈ സീസണിന്റെ അവസാനത്തോടെ ആഴ്സണൽ താരം ആരോൺ റംസി ആഴ്സണൽ വിട്ടേക്കും. ക്ലബ്ബ്മായുള്ള പുതിയ കരാർ ചർച്ചകൾ എങ്ങും എത്താതായതോടെയാണ് താരത്തിന്റെ ആഴ്സണൽ കരിയർ അവസാനത്തിലേക്ക് അടുത്തത്. ഈ സീസൺ അവസാനത്തോടെ കരാർ അവസാനിക്കുന്ന താരം അത് പുതുക്കാനുള്ള സാധ്യത വിരളമാണ്.
കാർഡിഫിൽ നിന്ന് 10 വർഷം മുൻപ് എമിറേറ്റ്സിൽ എത്തിയ താരം ഈ സീസണിലും ആഴ്സണലിന്റെ മധ്യനിരയിൽ നിർണായക സാന്നിധ്യമാണ്. നേരത്തെ ആഴ്സണലിന്റെ പുതിയ കരാർ വാഗ്ദാനം താരം നിരസിച്ചിരുന്നു. ഇതോടെ പുതിയ കരാർ നൽകാൻ ആഴ്സണലും മടിച്ചു.
ചെൽസിയും മാഞ്ചസ്റ്റർ യൂണൈറ്റഡും അടക്കമുള്ള ടീമുകൾ അടുത്ത ട്രാൻസ്ഫർ വിൻഡോയിൽ താരത്തെ സ്വന്തമാക്കാൻ ശ്രമിച്ചേക്കും.
