വോര്‍സെസ്റ്റര്‍ഷയര്‍ താരം ജോ ക്ലാര്‍ക്ക് പുതിയ കൗണ്ടിയുമായി കരാറില്‍ ഏര്‍പ്പെട്ടു. ഇംഗ്ലണ്ടിലെ ഈ സീസണ്‍ കൗണ്ടി ചാമ്പ്യന്‍ഷിപ്പ് അവസാനിക്കുമ്പോള്‍ താരത്തിന്റെ വോര്‍സെസ്റ്റര്‍ഷയര്‍ കരാര്‍ അവസാനിക്കുവാനിരിക്കെയാണ് 22 വയസ്സുകാരന്‍ താരം നോട്ടിംഗാംഷയറുമായി പുതിയ കരാറിലെത്തുന്നത്. നാല് വര്‍ഷത്തെ കരാറിലാണ് താരം ഒപ്പുവെച്ചിരിക്കുന്നത്. ക്ലബ്ബ് ഇതുവരെ ബെന്‍ ഡക്കറ്റ്, സാക്ക് ചാപ്പല്‍, ബെന്‍ സ്ലേറ്റര്‍ എന്നിവരെ ടീമിലെത്തിച്ചിട്ടുണ്ട്.
ഈ സീസണില്‍ മികച്ച ഫോമില്‍ കളിക്കുന്ന ജോ ക്ലാര്‍ക്ക് 1500ലധികം റണ്‍സ് സ്വന്തമാക്കിയിട്ടുണ്ട്. ജോ ക്ലാര്‍ക്കിനെ ടീമിലെത്തിക്കുവാനായതില്‍ ഏറെ സന്തോഷമുണ്ടെ്നന് നോട്ടിംഗാംഷയര്‍ ക്രിക്കറ്റ് ഡയറക്ടര്‍ മിക് നെവെല്‍ അഭിപ്രായപ്പെട്ടു.
