തായ്ലൻഡിലെ ഒരു ഗുഹയിൽ അകപ്പെട്ട മുഴുവൻ 12 കുട്ടികളെയും പരിശീലകനെയും 17 ദിവസങ്ങൾക്ക് ശേഷം പുറത്തെത്തിച്ചു എന്ന വാർത്ത നിമിഷങ്ങൾ മുൻപാണ് ലോകം സന്തോഷത്തോടെ ശ്രവിച്ചത്. നീണ്ട പരിശ്രമങ്ങൾക്ക് ശേഷമാണ് അപകടങ്ങൾ ഒന്നും കൂടാതെ കുട്ടികളെയും പരിശീലകനെയും പുറത്തെത്തിച്ചത്. കുട്ടികൾക്കും പരിശീലകനും പിന്തുണ അർപ്പിച്ചു എത്തിയിരിക്കുകയാണ് ഇംഗ്ളീഷ് വമ്പന്മാരായ മാഞ്ചസ്റ്റർ യുണൈറ്റഡ്.
#MUFC is relieved to learn that the 12 footballers and their coach trapped in a cave in Thailand are now safe. Our thoughts and prayers are with those affected.
We would love to welcome the team from Wild Boars Football Club and their rescuers to Old Trafford this coming season. pic.twitter.com/5CGMoD1Msq
— Manchester United (@ManUtd) July 10, 2018
തായ്ലന്റിലെ വൈൽഡ് ബോർസ് ഫുട്ബോൾ ക്ലബിലെ കുട്ടികളേയും പരിശീലകനേയും കൂടാതെ രക്ഷാപ്രവർത്തനത്തിൽ ഏർപ്പെട്ടവരെയും ഓൾഡ് ട്രാഫോഡിലേക്ക് ക്ഷണിച്ചിരിക്കുകയാണ് മാഞ്ചസ്റ്റർ യുണൈറ്റഡ്. ഈ വരുന്ന സീസണിൽ ഏതെങ്കിലും ഒരു ദിവസം മാഞ്ചസ്റ്റർ യുണൈറ്റഡ് ക്ലബും ഹോം ഗ്രൗണ്ട് ആയ ഓൾഡ് ട്രാഫോഡും സന്ദര്ശിക്കാനാണ് മാഞ്ചസ്റ്റർ യുണൈറ്റഡിന്റെ ക്ഷണം.
കൂടുതൽ കായിക വാർത്തകൾക്ക് : www.facebook.com/FanportOfficial
