ഷോ വർഷങ്ങളോളം യുണൈറ്റഡിൽ കളിക്കുമെന്ന് മൗറീന്യോ, പുതിയ കരാർ ഉടൻ

മാഞ്ചസ്റ്റർ യുണൈറ്റഡിന്റെ യുവ ഇംഗ്ലീഷ് ലെഫ്റ്റ് ബാക്ക് ലൂക്ക് ഷോയ്ക്ക് പുതിയ കരാർ ഉടൻ എന്ന് ഉറപ്പ് നൽകി ഹോസെ മൗറീന്യോ. ഇന്നലെ നടന്ന പ്രസ് മീറ്റിൽ ഷോയെ കുറിച്ചുള്ള ചോദ്യങ്ങൾക്ക് മറുപടി പറയവെ ആണ് മൗറീന്യോ ഷോയ്ക്ക് പുതിയ കരാർ ഉടൻ ലഭിക്കും എന്ന് ഉറപ്പ് നൽകിയത്.

ലൂക്ക് ഷോയ്ക്ക് പുതിയ കരാർ ലഭിക്കും എന്നും വർഷങ്ങളോളം ഷോ യുണൈറ്റഡിനായി പന്തുതട്ടും എന്നും മൗറീന്യോ പറഞ്ഞു. കഴിഞ്ഞ വർഷം ലൂക്ക് ഷോയെ പരസ്യമായി ഹോസെ മൗറീന്യോ വിമർശിച്ചിരുന്നു. ആ വിമർശനങ്ങളെ മറികടന്ന് താരം മാനേജറുടെ വിശ്വാസം ഈ‌ സീസണിൽ വീണ്ടും നേടിയെടുക്കയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial