ജർമ്മൻ കപ്പിലെ ആവേശോജ്ജ്വലമായ മത്സരത്തിനൊടുവിൽ ബയേർ ലെവർകൂസന് വിജയം. രണ്ടിനെതിരെ നാലു ഗോളുകൾക്കാണ് വേർഡർ ബ്രെമനെ ലെവർകൂസൻ പരാജയപ്പെടുത്തിയത്. ആദ്യ ഏഴുമിനുട്ടിൽ രണ്ട് ഗോളുകൾ വഴങ്ങിയ ലെവർകൂസൻ ശക്തമായ തിരിച്ച് വരവ് നടത്തിയാണ് ജയം സ്വന്തമാക്കിയത്.
അത്യന്തം ആവേശകരമായ മത്സരം മാക്സ് ക്രൂസേയുടെ ഗോളോടെ ആരംഭിച്ചു. ജോനാതൻ ടാ ക്രൂസോയെ ബോക്സിൽ വീഴ്തിയതിന് പെനാൽറ്റി ലഭിച്ചു. അഞ്ച് മിനുട്ടിനുള്ളിൽ ക്രൂസോയുടെ അസിസ്റ്റിൽ ജൊഹാൻസൺ ഗോളടിച്ചു. എല്ലാവരെയും ഞെട്ടിച്ച് കൊണ്ട് വമ്പൻ തിരിച്ച് വരവാണ് ലെവർകൂസൻ നടത്തിയത്. ജുലിയൻ ബ്രാൻഡ്ടിന്റെ ഇരട്ടഗോളുകളിലൂടെ ലെവർകൂസൻ മത്സരത്തിൽ തിരിച്ചെത്തി. നിശ്ചിതസമയത്തും സമനിലയായപ്പോൾ എക്സ്ട്രാടൈമിൽ ലെവർകൂസൻ മത്സരം വരുതിയിലാക്കി. കെരീം ബെല്ലറാബി എക്സ്ട്രാ ടൈമിൽ ഒരു ഗോളും അസിസ്റ്റും നൽകി ലെവർകൂസന് തുണയായി. കൈ ഹാവേർട്ട്സ് ലെവർകൂസന്റെ വിജയ ഗോൾ നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
