ശ്രീലങ്കയുടെ നായകന്‍ ആഞ്ചലോ മാത്യൂസിന്റെ സേവനം ബംഗ്ലാദേശിനെതിരെയുള്ള ടി20 പരമ്പരയിലും ലഭ്യമാകില്ല. ഏകദിന പരമ്പരയ്ക്കിടെ പരിക്കേറ്റ് താരം നേരത്തെ നാട്ടിലേക്ക് മടങ്ങിയിരുന്നു. ടെസ്റ്റ് പരമ്പരയില്‍ നിന്ന് വിട്ടുനില്‍ക്കുന്ന ആഞ്ചലോയുടെ പരിക്ക് ഭേദമാകാത്തതിനാല്‍ ടി20 പരമ്പരിയലും താരം കളിക്കുകയില്ലെന്ന് സെലക്ടര്‍മാരുടെ ചെയര്‍മാന്‍ ഗ്രെയിം ലാബ്രൂയ് ആണ് വ്യക്തമാക്കിയത്.
അടുത്ത മാസം നടക്കുന്ന നിദാഹസ് ട്രോഫിയില്‍ ആഞ്ചലോ മാത്യൂസ് മടങ്ങിയെത്തുമെന്ന പ്രത്യാശയമാണ് ശ്രീലങ്കന്‍ മാനേജ്മെന്റ് പ്രകടിപ്പിച്ചത്. ലസിത് മലിംഗയും നിദാഹസ് ട്രോഫിയ്ക്കായി ലങ്കന്‍ ടീമിലെത്തുമെന്നാണ് കരുതപ്പെടുന്നത്. എല്ലാ താരങ്ങളുടെ പ്രാദേശിക ടൂര്‍ണ്ണമെന്റുകളില്‍ പങ്കെടുത്ത് ഫിറ്റ്നെസ് തെളിയിക്കണമെന്ന നിര്‍ദ്ദേശമാണ് ഇപ്പോള്‍ സെലക്ടര്‍മാര്‍ നല്‍കിയിരിക്കുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
