ഡൽഹി ഡൈനാമോസ് ഇന്ത്യൻ U17 താരമായ ശുഭം സാരംഗിയെ തങ്ങളുടെ ടീമിലേക്കെത്തിച്ചു. പൂനെയിലെ ആർമി പബ്ലിക്ക് സ്‌കൂളിൽ വിദ്യാർത്ഥിയായ ശുഭം സാരംഗി ട്രാൻസ്ഫർ വിൻഡോയിലൂടെ ഡല്ഹിയിലെത്തുന്ന രണ്ടാം താരമാണ്. ഇന്ത്യയുടെ ടീമിലെ പ്രധാനതാരമായ ശുഭം ഐഎസ്എലിൽ ചേരുമെന്ന് ഒട്ടേറെ അഭ്യൂഹങ്ങൾ ഉണ്ടായിരുന്നെങ്കിലും ഇന്നലെയാണ് ഡൽഹി ക്ലബ് സ്ഥിതീകരിച്ചത്.
Delhi Dynamos FC are happy to have the young Lion, Shubham Sarangi, in our squad. #RoarWithTheLions pic.twitter.com/fXlQwCsZtA
— Delhi Dynamos FC (@DelhiDynamos) January 6, 2018
12 ആം വയസിൽ ഇറാനിൽ നടന്ന എഎഫ്‌സി U14 ക്വാളിഫയറിൽ ശുഭം ഇന്ത്യയെ പ്രതിനിധീകരിച്ചിരുന്നു. നിലവിൽ ഇന്ത്യൻ സൂപ്പർ ലീഗിന്റെ അടിത്തട്ടിലാണ് ഡൽഹി ഡൈനാമോസിന്റെ സ്ഥാനം. ശുഭം സാരംഗിയുടെ വരവ് ടീമിന് ഗുണം ചെയ്യുമെന്നാണ് ഡൈനാമോസ് മാനേജ്‌മെന്റും കോച്ച് മിഗ്വേൽ എയ്ഞ്ചേലും കരുതുന്നത്. ചെന്നെയിൻ എഫ്‌സിക്കെതിരെ ഇന്നാണ് ഡൽഹി ഡൈനാമോസിന്റെ അടുത്ത മത്സരം
കൂടുതൽ കായിക വാർത്തകൾക്ക് : www.facebook.com/FanportOfficial
